नेपाल हङकङ बिचको खेल प्रत्यक्ष प्रसारण हुने, कहाँ कति बजे ? कसरी हेर्न लाईभ ?

 विश्व क्रिकेट लिग च्याम्पियनसिप अन्तर्गत अक्टोबर १३ र १५ तारिख (असोज २७ र २९) नेपाल विरुद्ध हुने दुई खेलको हङकङ क्रिकेटले आफ्नो आधिकारीक युटुब च्यानलमा प्रत्यक्ष प्रसारण गर्ने भएको छ । 

मङ कोक स्थित मिसन रोड खेल मैदानमा खेलिने दुबै खेलको युटुबमा प्रत्यक्ष प्रसारण हुने भएपछी नेपाली क्रिकेट प्रेमीहरु माझ उत्साह बड्ने छ । खेल नेपाली समय अनुसार बिहान ८:१५ बजे देखी सुरु हुने छ ।

नेपाली राष्ट्रिय क्रिकेट टोली हङकङ उड्नु दुई दिन अघि केन्याले नेदरल्याण्डमाथि जित निकाल्यो र अंक तालिकाको चौथो स्थानमा उक्लियो ।

यसले दबावको पारो कति बढायो ? हङकङ उड्नु अघि राष्ट्रिय टोलीका कप्तान पारस खड्का भन्छन्, ‘२०१० मा डिभिजन फाइभबाट सुरु गर्दा देखि नै हरेक खेल जित्नै पर्ने भन्दै यहाँसम्म आयौं ।

मलाई लाग्छ, हामी अभ्यस्त भइसक्यौं ।’ उनले अघि भने, हरेक प्रतियोगिता जित्नै पर्ने, कहिले विश्वकप छनोट कहिले विश्व क्रिकेट लिग ।

अवश्य दबाव छ, तर अन्तराष्ट्रिय स्तरमा यो भइराख्छ ।’ हो पनि नेपालले थुप्रै प्रतियोगिताहरुमा यस्तै दबावका बीच जित निकालेको छ ।

यो पटक पनि त्यही दबावका बीच हङकङलाई उसकै घरेलु मैदानमा हराउने लक्ष्य लिएको छ ।

शीर्ष चारमा परेर विश्वकप छनोटको सम्भावना कायमै राख्न नेपाललाई बाँकी सबै खेल जित्नु बाध्यता छ । शीर्ष दुईमा रहेका नेदरल्याण्ड्स (१८) र पपुवा न्यूगिनी (१६) ले विश्वकप छनोटमा स्थान पक्का गरिसकेका छन् ।

स्कटल्याण्ड (१५), केन्या (१२), हङकङ (११) र नेपाल (८) दुई स्थानका लागि प्रतिस्पर्धामा छन् अन्तिम चरणमा नेपालले यूएई, केन्याले स्कटल्याण्ड र हङकङले पपुपा न्यूगिनीसँग खेल्नेछ ।

यस्तो छ टिम : पारस खड्का, ज्ञानेन्द्र मल्ल, शरद भेषावाकर, सुशील कँडेल , ललित सिंह भण्डारी, सन्दिप लामिछाने, आरिफ शेख, सुशन भारी, सागर पुन, दिपेन्द्र सिंह ऐरी, बसन्त रेग्मी, करण केसी, विनोद भण्डारी, सोमपाल कामी

news.nayakhoj24.com बाट लिएकाे ।